གནའ་དེང་ཟུང་དུ་འབྲེལ་བའི་བཟོ་བཀོད་ཀྱི་ཁྱད་ཆོས་ལྡན་པའི་རྗེ་བཙུན་སྒྲོལ་མའི་སྐུ་བརྙན་འདི་ནགས་ཤོད་པ་འབྲི་རུ་སྐལ་བཟང་རྒྱལ་མཚན་གྱིས་རབ་གནས་ཆུ་འབྲུག །ཕྱི་ལོ་ ༢༠༡༢ ལོར་བཞེངས་བསྐྲུན་བགྱིས་པའོ། ། རྗེ་བཙུན་སྒྲོལ་མ་ཞེས་པ་ནི་འཇིགས་པ་བརྒྱད་ལས་སྒྲོལ་བའི་ཆ་ནས་བཏགས་པའི་ཡི་དམ་ལྷ་མོའི་རིགས་ཤིག་སྟེ། སྔོ་ལྗང་ཞལ་གཅིག་ཕྱག་གཉིས་མྱུར་ཞི་མ།།ཡུམ་གྱུར་ཨཏྤལ་བསྣམས་པའི་བཀྲ་ཤིས་ཤོག །ཅེས་པ་ལྟར། འདི་ནི་ཡོངས་གྲགས་སུ་སྒྲོལ་མ་སྔོ་མོའམ་སྒྲོལ་ལྗང་ཞེས་པ་དེའོ། རྒྱལ་ཀུན་འཕྲིན་ལས་རང་གཟུགས་སྒྱུ་མའི་གར།  །བཅུ་དྲུག་ལང་ཚོས་སྒེག་པའི་འཛུམ་བག་ཅན།  །ཡིད་འཕྲོག་ལྟ་ན་སྡུག་པའི་རྗེ་བཙུན་མས།  །མཆོག་ཐུན་དངོས་གྲུབ་སྒྲུབ་པའི་འཕྲིན་ལས་མཛོད།།

གནའ་དེང་ཟུང་དུ་འབྲེལ་བའི་བཟོ་བཀོད་ཀྱི་ཁྱད་ཆོས་ལྡན་པའི་སྐུ་བརྙན་འདི་ཁམས་གསུམ་ཆོས་ཀྱི་རྒྱལ་པོ་ཙོང་ཁ་པ་ཆེན་པོའོ།  ཁོང་ལོར་མདོ་སྨད་ཙོང་ཁའི་ཡུལ་དུ་ཡབ་ད་ར་ཁ་ཆེ་ཀླུ་འབུམ་དགེ་དང་ཡུམ་ཤིང་བཟའ་ཨ་ཆོས་གཉིས་ཀྱི་སྲས་སུ་སྐུ་འཁྲུངས།  དགུང་ལོ་བདུན་ལ་རབ་ཏུ་བྱུང་བ་དང༌། བཅུ་དྲུག་ལ་དབུས་སུ་ཕེབས། མདོ་སྔགས་རིག་གནས་དང་བཅས་པ་ལ་ཐོས་བསམ་སྒོམ་པའི་ཕ་མཐར་སོན། དགའ་ལྡན་རྣམ་པར་རྒྱལ་བའི་གླིང་བཏབ། སེར་འབྲས་དང་རྒྱུད་གྲྭ་སྟོད་སྨད་འཛུགས་པའི་བཀོད་པ་མཛད། ལམ་རིམ་དང་སྔགས་རིམ་སོགས་ལེགས་བཤད་ཀྱི་གསུང་རྩོམ་རྒྱ་ཆེར་སྤེལ། རྒྱལ་ཚབ་རྗེ་དང༌། མཁས་གྲུབ་རྗེ། དགེ་འདུན་གྲུབ་སོགས་སློབ་མ་མང་པོ་བསྐྱངས།