གནའ་དེང་ཟུང་དུ་འབྲེལ་བའི་བཟོ་བཀོད་ཀྱི་ཁྱད་ཆོས་ལྡན་པའི་རྗེ་བཙུན་སྒྲོལ་མའི་སྐུ་བརྙན་འདི་ནགས་ཤོད་པ་འབྲི་རུ་སྐལ་བཟང་རྒྱལ་མཚན་གྱིས་རབ་གནས་ཆུ་འབྲུག །ཕྱི་ལོ་ ༢༠༡༢ ལོར་བཞེངས་བསྐྲུན་བགྱིས་པའོ། ། རྗེ་བཙུན་སྒྲོལ་མ་ཞེས་པ་ནི་འཇིགས་པ་བརྒྱད་ལས་སྒྲོལ་བའི་ཆ་ནས་བཏགས་པའི་ཡི་དམ་ལྷ་མོའི་རིགས་ཤིག་སྟེ། སྔོ་ལྗང་ཞལ་གཅིག་ཕྱག་གཉིས་མྱུར་ཞི་མ།།ཡུམ་གྱུར་ཨཏྤལ་བསྣམས་པའི་བཀྲ་ཤིས་ཤོག །ཅེས་པ་ལྟར། འདི་ནི་ཡོངས་གྲགས་སུ་སྒྲོལ་མ་སྔོ་མོའམ་སྒྲོལ་ལྗང་ཞེས་པ་དེའོ། རྒྱལ་ཀུན་འཕྲིན་ལས་རང་གཟུགས་སྒྱུ་མའི་གར།  །བཅུ་དྲུག་ལང་ཚོས་སྒེག་པའི་འཛུམ་བག་ཅན།  །ཡིད་འཕྲོག་ལྟ་ན་སྡུག་པའི་རྗེ་བཙུན་མས།  །མཆོག་ཐུན་དངོས་གྲུབ་སྒྲུབ་པའི་འཕྲིན་ལས་མཛོད།།